బ్యాంకింగ్ రంగంలో ప్రభుత్వ ఉద్యోగం కోసం ఎదురుచూస్తున్న అభ్యర్థులకు State Bank of India (SBI) నుంచి భారీ ఉద్యోగ ప్రకటన వచ్చింది. దేశవ్యాప్తంగా SBIలో Junior Associate పోస్టుల భర్తీకి రిక్రూట్మెంట్ ప్రక్రియ ప్రారంభమైంది. ఈ నియామకం ద్వారా మొత్తం 9,124 క్లర్క్ పోస్టులను భర్తీ చేయనున్నారు.
బ్యాంకింగ్ ఉద్యోగాల కోసం సిద్ధమవుతున్న అభ్యర్థులకు SBI Clerk రిక్రూట్మెంట్ చాలా కీలకమైనది. ముఖ్యంగా డిగ్రీ పూర్తి చేసిన అభ్యర్థులకు ఈ పోస్టుల్లో అవకాశం ఉంటుంది. పోస్టుల భర్తీ రాష్ట్రం/యూటీ వారీగా జరుగుతుంది. అభ్యర్థులు తమకు అర్హత ఉన్న ఒక State/UTకు మాత్రమే దరఖాస్తు చేసుకోవాల్సి ఉంటుంది.
మొత్తం 9,124 క్లర్క్ పోస్టులు :
ఈ రిక్రూట్మెంట్లో Junior Associate (Customer Support & Sales) పోస్టులను భర్తీ చేస్తారు.
| వివరాలు | సమాచారం |
|---|---|
| సంస్థ | State Bank of India |
| పోస్టు | Junior Associate (Customer Support & Sales) |
| పోస్టుల సంఖ్య | 9,124 |
| ఉద్యోగ స్థాయి | Clerical Cadre |
| విద్యార్హత | Graduation ( Any డిగ్రీ / B.Tech ) |
| ఎంపిక విధానం | Prelims + Mains + Local Language Test |
| ఉద్యోగం | SBI శాఖల్లో |
విద్యార్హత ఏంటి?
ఈ పోస్టులకు దరఖాస్తు చేసుకునే అభ్యర్థులు గుర్తింపు పొందిన యూనివర్సిటీ నుంచి ఏదైనా విభాగంలో Graduation Any Degree / B.Tech పూర్తి చేసి ఉండాలి.
డిగ్రీ ఫైనల్ ఇయర్/సెమిస్టర్ చదువుతున్న అభ్యర్థులకు కూడా నోటిఫికేషన్లో పేర్కొన్న నిబంధనల ప్రకారం అవకాశం ఉండవచ్చు. అయితే నియామక సమయంలో అవసరమైన విద్యార్హతను నిరూపించాల్సి ఉంటుంది.
వయసు ఎంత ఉండాలి?
SBI Junior Associate పోస్టులకు నోటిఫికేషన్లో నిర్ణయించిన తేదీ నాటికి కనీసం 20 సంవత్సరాలు, గరిష్ఠంగా 28 సంవత్సరాల వయసు ఉండాలి.
SC, ST, OBC, PwBD తదితర రిజర్వేషన్ కేటగిరీలకు కేంద్ర ప్రభుత్వ నిబంధనల ప్రకారం వయో సడలింపు ఉంటుంది.
ఎంపిక విధానం ఎలా ఉంటుంది?
SBI Clerk ఉద్యోగాలకు అభ్యర్థుల ఎంపిక ప్రధానంగా మూడు దశల్లో జరుగుతుంది.
1. Preliminary Examination
మొదటి దశలో Preliminary Online Examination నిర్వహిస్తారు. ఇందులో English Language, Numerical Ability, Reasoning Ability విభాగాల నుంచి ప్రశ్నలు వస్తాయి.
Prelimsలో అర్హత సాధించిన అభ్యర్థులను తదుపరి దశకు ఎంపిక చేస్తారు.
2. Main Examination
Prelimsలో అర్హత సాధించిన వారు Main Examinationకు హాజరు కావాలి. ఇందులో General/Financial Awareness, General English, Quantitative Aptitude, Reasoning Ability & Computer Aptitude విభాగాల నుంచి ప్రశ్నలు ఉంటాయి.
3. Local Language Test
SBI Clerk ఉద్యోగంలో అత్యంత ముఖ్యమైన అంశాల్లో Local Language Proficiency ఒకటి.
అభ్యర్థి ఏ State/UTకు దరఖాస్తు చేస్తే, ఆ రాష్ట్రానికి నోటిఫికేషన్లో సూచించిన స్థానిక భాషను చదవడం, రాయడం, మాట్లాడడం, అర్థం చేసుకోవడం వచ్చి ఉండాలి.
అభ్యర్థి 10వ లేదా 12వ తరగతిలో సంబంధిత స్థానిక భాషను చదివినట్లు మార్కుల మెమో/సర్టిఫికెట్ ద్వారా నిరూపిస్తే ప్రత్యేక Local Language Test నుంచి మినహాయింపు లభించే అవకాశం ఉంటుంది.
ఒక రాష్ట్రానికి మాత్రమే దరఖాస్తు
SBI Clerk నియామకంలో అభ్యర్థులు ఒక State/UTలోని ఖాళీలకు మాత్రమే దరఖాస్తు చేయగలరు.
అలాగే ఈ రిక్రూట్మెంట్లో ఎంపికైన Junior Associatesకు సాధారణంగా Inter-State Transfer సౌకర్యం ఉండదు. కాబట్టి అభ్యర్థులు రాష్ట్రాన్ని ఎంచుకునే ముందు స్థానిక భాష, ఖాళీలు, ఉద్యోగ ప్రదేశం వంటి అంశాలను జాగ్రత్తగా పరిశీలించాలి.
జీతం ఎంత?
SBI Junior Associate పోస్టు Clerical Cadreలో ఉంటుంది. ఈ ఉద్యోగానికి కేంద్ర ప్రభుత్వ బ్యాంకింగ్ ఉద్యోగాలకు అనుగుణంగా జీతం, ఇతర అలవెన్సులు లభిస్తాయి.
Junior Associate పోస్టుకు Pay Scale ప్రకారం జీతంతో పాటు DA, HRA, ఇతర బ్యాంకింగ్ ఉద్యోగి ప్రయోజనాలు లభిస్తాయి. నగరాన్ని బట్టి ప్రారంభ నెలవారీ వేతనం మారవచ్చు.
SBI Clerk ఉద్యోగం ఎందుకు ప్రత్యేకం?
SBI దేశంలోనే అతిపెద్ద ప్రభుత్వ రంగ బ్యాంకుల్లో ఒకటి. ప్రతి సంవత్సరం SBI Clerk రిక్రూట్మెంట్ కోసం లక్షలాది మంది అభ్యర్థులు పోటీ పడుతుంటారు.
ఈసారి 9,124 Junior Associate పోస్టులు ఉండటంతో బ్యాంకింగ్ ఉద్యోగం కోసం సిద్ధమవుతున్న గ్రాడ్యుయేట్ అభ్యర్థులకు ఇది పెద్ద అవకాశం. ముఖ్యంగా IBPS Clerk, ఇతర బ్యాంకింగ్ పరీక్షలకు ప్రిపేర్ అవుతున్న అభ్యర్థులు SBI Clerk పరీక్షకు కూడా సిద్ధం కావచ్చు.
దరఖాస్తు చేసుకునే ముందు ఇవి గుర్తుంచుకోండి
అభ్యర్థులు ఆన్లైన్ దరఖాస్తు చేసే ముందు:
- విద్యార్హత
- వయోపరిమితి
- State/UT vacancy
- Local Language
- కేటగిరీ రిజర్వేషన్
- పరీక్షా విధానం
- అవసరమైన డాక్యుమెంట్లు
వంటి వివరాలను అధికారిక నోటిఫికేషన్లో పూర్తిగా పరిశీలించాలి.
Official Notification : Click Here
